E papritur, Edi Rama dhe Albin Kurti takohen sot për herë të parë pas zgjedhjeve në Kosovë

Kryeministri shqiptar Edi Rama dhe lideri i “Vetëvendosjes” Albin Kurti, do të takohen sot për herë të parë pas zgjedhjeve të parakohshme parlamentare në Kosovë.

Ky takim është konfirmuar dje në mënyrë të papritur nga Rama, i cili iu përgjigj pyetjes së gazetarës Jehona Bajrami Gashi, në studion e emisionit “Opinion”.

“Nuk ishim marrë vesh paraprakisht për një takim, por do të takohemi nesër. E pres me shumë pozitivizëm emërimin në postin e kryeministrit të Albin Kurtit,”–tha Rama.

Kujtojmë se pak ditë më parë, në një konferencë shtypi Rama tha se pret me kënaqësi të takojë Albin Kurtin, duke shtuar nevojën për një shtysë në marrëdhënien mes dy qeverive.

Megjithatë, përkundër entuziazmit të shprehur nga Rama, mes dhjetëra letrave të marra prej Kurtit për fitoren e Vetëvendosjes, binte në sy mungesa e urimit të politikanit bashkëkombas, gjë që ka shtuar dyshimet për një marrëdhënie “të ftohtë” ndërmjet tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga ana tjetër duhet theksuar se në deklaratat e tyre, as Rama e as Kurti nuk e kanë pranuar faktin që kanë patur mosmarrëveshje.