E frikshme/ Avionit i mbaron karburanti në ajër dhe rrëzohet afër pistës, vdesin 5 persona

Një aksident i rëndë ajror me pasojë vdekjen e 5 personave ka ndodhur me një avion transportues  “Antonov 12” në Ukrainën Perëndimore.

Ngjarja ndodhi ditën e sotme në afërsi të pistës së aeroportit Liviv.

Për këtë aksident ka folur dhe ministri i Infrastrukturës Vladislav Krikly i cili ka zbuluar se shkak është bërë mbarimi i karburantit përpara se avioni të bënte uljen e planifikuar në Liviv.

Mediat ukrainase raportojnë se në avion ndodhej një staf i përbërë nga 7 persona, bashkë me personin që po shoqëronte ngarkesën e cila nuk dihet ende se cfarë ishte.

Asgjë nuk dihet as për fatin e dy prej personave të tjerë.

Agjensia e lajmeve ‘Unian’ në Ukrainë e përshkruajti ate si një avion ngarkesash ushtarak i cili ishte programuar për t’u mbushur me karburant në Liviv, dhe u rrëzua 1.5 km larg aeroportit, por nuk u përfshi nga flakët.