LIGJET E BIZNESIT
Në fjalimin e mbajtur nga foltorja e Kuvendit, kryeministri Edi Rama ka folur me tone të ashpra dhe në mënyrë të drejtpërdrejtë duke akuzuar prokurorë e gjyqtarë të korruptuar që nuk e kanë kaluar akoma Vetingun dhe po bëjnë kërdinë me vendimet që japin.
Rama ndër të tjera deklaroi se duhet t’i jepet fund grupit kriminal KÇK (Kap Ç’të Kapësh) dhe të vendosen para drejtësisë.
Sipas Ramës ky është grupi kriminal më i madh në Shqipëri.
Kreu i qeverisë kërkoi që ndaj këtij grupi të reagojë dhe parlamenti dhe ta vendosë si objektiv luftimin dhe asgjesimin menjëherë të këtij grupi.
“Ka ardhur koha të reagojmë me forcë ndaj prokurorëve dhe gjykatësve që nuk e kanë kaluar vettingun dhe e dinë që nuk e kalojnë dhe që kanë nxjerrë një togfjalësh ‘KÇK’, ‘kap çfarë të kapësh’, këtë grup ky parlament duhet ta shpallë në kërkim me çdo mënyrë. Duke ushtruar pushtetin e sovranit këtu. Procesi i vettingut për të përfunduar dihet që do disa vite, por ne nuk mund të lejojmë prokurorë si ai i Durrësit apo gjyqtar të bëjnë kërdinë.
E dëgjova gojtarin e nderuar të opozitës dhe kur erdha thashë kur po zihet në sallë se dëgjohej ulërima deri jashtë, se po fliste për të mëdhenj dhe të vegjël. Shpallja në kërkim e ‘KÇK’-së është objektivi që duhet të kemi ne si parlament një orë e më parë. Ti japim ‘KÇK’ me ligj mesazhin që është në kërkim. Për ata që janë rrugëve dhe që jo vetëm nuk u hyn gjë në këmbë por e kanë bërë prokurorinë si kafene, pasi policia i kap dhe prokuroria i nxjerr pas një kafeje të shkurtër janë edhe të përfshirë në procese grabitje, të tokave apo për të legalizuar pallate arrinë që të fusë prokurorin dhe gjykatësen që punojnë për ata. KÇK është grupi më i madh kriminal në Shqipëri. Këtë ndërhyje duhet ta bëjë parlamenti me çdo çmim le të thonë çfarë të duan të gjithë.” , deklaroi i prerë Rama.
