“Do të nxjerrim Kosovën nga kriza”, Albin Kurti takohet me Vjosa Osmanin dhe japin mesazhin e rëndësishëm

Pas zgjedhjeve të 6 tetorit në Kosovë, po diskutohet për krijimin e qeverisë së re, midis drejtuesve të LDK-së dhe VV-së.

Fituesi i zgjedhjeve,  Albin Kurti, është takuar sot me Vjosa Osmani e LDK-së, me të cilën po përgatitet për të krijuar qeverinë e re.

Përmes një mesazhi në Facebook, Albin Kurti njofton se ka diskutuar me Osmanin pikërisht përgatitjet për qeverisjen e re dhe sfidat që i presin.

“Bashkë me Vjosën biseduam sot për përgatitjet për qeverisjen e re dhe sfidat që na presin. Kosova do të dalë nga kriza dhe do të përparojë. Bashkëpunimi ynë është përkushtimi ynë. Qëllimet e mira dhe punët e mbara janë përgjegjësi e jona ndaj qytetarëve të Republikës dhe institucioneve të shtetit”, shkruan Kurti.