Do të habiteni, këta janë VIP-at që Iris Luarasi i ka ngelur në klasë

Iris Luarasi është një nga pedagoget më të njohura në degën e gazetarisë.

E njohur për profilin e saj të rreptë, mesa duket këtij tipari nuk i kanë shpëtuar as emra të njohur të ekranit.

Ata janë ish-studentë të saj por që mesa duket nuk paskan shkëlqyer në rezultate.

Ditën e djeshme, e ftuar në programin “Shiko kush luan” Iris Luarasi renditi katër emra pas pyetjes që i drejtuan se cilit personazh i njohur të cilit ajo i ka dhënë mësim, ka ngelur në klasë.

Pedagogia e dha menjëherë përgjigjen edhe pse publiku nuk e priste aspak.

“Në fakt do ju them katër emra të cilët tani i kam shumë miq por në kohën kur ishin studentë kanë mbetur në klasë. Janë: Arbana Osmani, Jonida Shehu, Erl Murati dhe Artan Hasani”, tha ajo në sfidën “Ndaje ose Haje”.