Këngëtarja e njohur Alida Duka, e cila është dhe motra e Stines, është përfolur për lidhjen e saj me një menaxher nga Franca me banim në Gjenevë.
Në muajin maj të këtij viti, Alida rrëfeu në emisionin “Why Not” se kishte gjetur dashurinë e jetës me të cilin planifikonte që të martohej.
Alida tregoi se dasmën do ta bëninë në Monaco dhe moderatorja Roza Lati e cilësoi partnerin e këngëtares si “Bossin e Francës”, pasi i kishte dhuruar këngëtares një orë me 10 diamante.
Por mesa duket kësaj lidhje dashurie i ka ardhur fundi dhe këtë fakt e ka konfirmuar dhe vetë këngëtarja.
“Lidhja me francezin Xavier ishte një lidhje shumë e veçantë për mua, e cila la gjurmë tek unë. Për këtë arsye publikova dhe këngën “Krejt me harru” para ca kohësh”, ka treguar ajo për “Panorama Plus”, ndërsa zbuloi edhe arsyen e ndarjes.
“Dikush që nuk diti të vlerësojë vlerat që unë kam, nuk ka edhe pse të jetë me mua. Çdo gjë tjetër materiale nuk më hyn në sy, sepse e kam ndërtuar gjithçka vetë dhe jam krenare për këtë. Karakteri është mbi të gjitha, ajo çfarë unë vlerësoj shumë”, tha Alida.
