Deputeti i opozitës së re Lefter Maliqi është shprehur se këtë jave nuk do të ketë as parlament, as komision si dhe as mbledhje komisionesh.
Me anë të një reagimi në rrjetet sociale Maliqi i bën thirrje kryeministrit Edi Rama të japë dorëheqjen urgjentisht si dhe populli të marrë në dorë fatet e vendit.
Ai gjithashtu parashikon se java do të jetë e zetë dhe vendi duhet të shkojë urgjentisht në zgjedhje të parakohshme.
REAGIMI I PLOTE I DEPUTETIT LEFTER MALIQI
Sapo me njoftuan se kjo jave do jete java e gjelber dhe s’do kete as parlament, as mbledhje komisionesh. Kjo jave eshte Java e Zeze per piktorin deshtak, pasi Evropa i mbylli dyert, pasi e nxiu vendin me korrupsion, droge, varferi, papunesi, shpopullim, zgjedhje moniste, shantazhime e kercenime, gazetare, artiste, prokurore, gjyqtare, opozitare, qytetare, studente, burgosje per te varfrit e kundershtaret dhe liri per boset e krimit, kapje institucionesh, shkelje te te drejtave te njeriut, abuzime me detyren, emerime nepotike, mbushi parlamentin me deputete me te shkuar kriminale, vendosi kryebashkiake te denuar ne Evrope, e la vendin pa Gjykate te Larte e Kushtetuese, me prokuror te pergjithshem te komanduar, zvarriti dosjet e pergjimeve me deputetet e ministrat e tij ne shitblerje votash, etj., etj.
Rama urgjent te dorehiqet, vendi te kaloje ne zgjedhje te parakohshme. Nëse kjo nuk ndodh, populli le te marre ne dore fatet e vendit me cdo mjet demokratik.
