Dërgonin vajza shqiptare për trafikim në Itali, bien në pranga 13 persona

Një grup shqiptarësh dhe italianësh kanë rënë në prangat e policisë së Piacencës, si pjesë e një rrjeti prostitucioni lokal.

Banda e kishte shtrirë aktivitetin në një sërë veprimtarish kriminale, si prostitucioni, shitja e kokainës, si dhe ndihmë të emigracionit të jashtëligjshëm.

Për të rënë në gjurmët e grupit, agjentët policore kanë përdorur aparate të sofistikuara për të përgjuar shfrytëzuesit e prostitutave nëpër rrugët e Piacenzës.

Sipas policisë banda trafikonte vajza nga Shqipëria, duke u siguruar atyre makina të shtrenjta dhe apartamente.

Midis të arrestuarve dy janë shqiptarë, të dyshuar si krerë të bandës, të dy banues në Piacenza, si dhe të dy me precedentë të shumëfishtë kriminalë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Të dy, falë teknologjisë, monitoruan vajzat nga distanca, organizuan lëvizjet e tyre dhe trajtuan aspektet e ndryshme logjistike, duke bërë të mundur funksionimin e rrjetit të prostitucionit. Jo vetëm kaq; hetimet zbuluan edhe martesa fiktive midis prostitutave shqiptare dhe disa italianëve, të cilët, në këtë mënyrë, favorizuan jo vetëm praktikën e prostitucionit, por edhe qëndrimin e paligjshëm të vajzave në Itali. Gjithsesj u arrestuan 13 persona.