Ky që shihni në foto është Bledar Toçi, polici i burgjeve i cili u plagos pas sherrit me armë zjarri me Dritan Haxhollin në Kavajë.
Ngjarja ka ndodhur rreth orës 00.40 në lagjen nr.2 Kavajë, ku Dritan Haxholli ka hyrë në banesën e shtetases M.Q.
Në atë moment aty ndodhej dhe polici i burgjeve Bledar Toçi.
Pas përballjes me njëri-tjetrin ata kanë nisur të konfliktohen dhe si për pasojë Haxholli ka qëlluar në drejtim të efektivit duke e lënë të plagosur.
Efektivi ka reaguar duke qëlluar me armë në drejtim të Haxhollit, i cili ka mbetur i vdekur në vendin e ngjarjes.
NJOFTIMI ZYRTAR I POLICISE
Rreth orës 00.40, në Lagjen nr. 2 Kavajë, shtetasi D. H., banues në Kavajë, ka hyrë në banesën e shtetases M. Q. Në banesë ndodhej dhe shtetasi B. T, banues në Kavajë, punonjës i Policisë së Burgjeve.
Shtetasi D.H. është konfliktuar me shtetasin B. T. dhe si pasojë shtetasi D.H ka qëlluar me armë në drejtim të shtetasit B.T duke e plagosur atë. Shtetasi B.T me armën e shërbimit ka qëlluar në drejtim të shtetasit D.H i cili ka ndërruar jetë në vendngjarje.
Shtetasi B.T, ndodhet jashtë rrezikut për jetën.
Grupi hetimor po vijon punën për sqarimin e mëtejshëm të rrethanave të ngjarjes.
