Ç’po ndodh në Tiranë? Banorët përplasen që në mengjes me policinë

Mëngjesi i sotëm ka nisur me përplasje midis banorëve dhe policisë në Tiranë.

Tensioni ka nisur që në orët e para të ditës pasi ka nisur aksioni për të shëmbur banesat në Shkozë, në kuadër të projektit për “Unazën e Madhe” në kryeqytet.

Banorët prej kohësh e kundërshtojnë këtë aksion dhe shprehen se po ia prishin banesat pa i dëmshpërblyer më parë.

Burime nga zyra e shtypit pranë PD bëjnë me dije se ish-deputeti Aldo Bumci është duke shkuar në Shkozë për të qenë më parnë banorëve.

Kujtojmë se nuk është hera e parë që ka përplasje në këtë zonë mes banorëve dhe policisë.

Ka pasur raste që mbi ta është përdorur dhe gaz lotsjellës për  ti nxjerrë jashtë nga banesat në momentin që policia ka hasur me kundërshtinë e tyre.