Në një deklaratë për mediat, ministri i Jashtëm në detyrë, Gent Cakaj në një komentoi vendimin e Këshillit Europian, për mos hapjen e negociatave të Shqipërisë dhe Maqedonisë së Veriut me BE-në.
Në të njëjtën linjë me kryeministrin Edi Rama, Cakaj shprehet se vendimi negativ nuk erdhi nga mosplotësimi i kushteve nga Shqipëria, por për shkak të procesit të reformimit që Franca kërkon ndaj BE-së.
“Nëse e ardhmja e BE është në pikëpyetje, Shqipëria nuk mund të ofrojë përgjigje”, tha Cakaj.
Më tej Cakaj u shpreh se Shqipëria do të vazhdojë luftën për plotësimin e një sërë reformash që i nevojiten vendit dhe jo sepse i duhen Bashkimit Europian.
