‘Blindohet’ Porti i Durrësit, 80 forca policie kontroll në kontenierë, shoqërohen 4 persona (VIDEO)

Pas informacioneve të marra për drogë, armë dhe mallra kontrabandë, mbi 80 forca policie kanë blinduar Portin e Durrësit mesditën e sotme.

Mësohet se deri tani 4 persona janë shoqëruar nga policia brenda ambienteve të portit.

Ende nuk dihet identiteti i tyre por sipas burimeve nga policia operacioni vijon.

Personat e shoqëruar janë drejtues mjetesh.

Një pjesë e madhe e forcave të policisë janë nisur nga Tirana.

Raportohet se mbi 18 makina policie, kryesisht me pjesëtarë të Forcave Operacionale, kanë zbarkuar rreth mesditës në mjediset e portit.