Bëhu e fortë/ Senatori amerikan inkurajon Rudina Hajdarin

Një mesazh i veçantë i ka ardhur deputetes së opozitës parlamentare Rudina Hajdari.

Senatori amerikan Roger Wicker i dërgon fjalë të përzemërta bashkëkryetares së Komisionit të Reformës Zgjedhore duke kujtuar takimin e fundit në Marakesh të Marokut kur u zhvillua Samiti i Vjeshtës së OSBE-së.

Në letrën e tij, Wicker e inkurajon Hajdarin të jetë e fortë, madje e thekson këtë mesazh.

Mesazhi i publikuar nga Rudina Hajdari në ‘’Twitter’’:

‘’Ishte nder dhe kënaqësi të takohesha me ju në takimin e OSBE-së në Marakesh. Mësova shumë dhe besoj se delegacioni ynë arriti mirëkuptimin për interesat tona të përbashkëta.

Shpresoj të më thërrisni nëse do të keni nevojë për ndihmën time,

Gjithë të mirat,

Roger Wicker (Bëhu e fortë)’’.