Kryedemokrati Lulzim Basha, gjatë konferencës me gazetarët ka ironizuar kryeministrin Edi Rama, lidhur me pamjen e tij ku shfaqet me mjekër.
Kryefjalë e tryezës është refuzimi i BE për mos hapjen e negociatave, Basha iu drejtua kryeministrit Rama, ndonëse nuk e përmendi drejtpërdrejtë, duke theksuar se “Këta që paraqiten si patriotë të mëdhenj dhe e lënë mjekrën si Ismail Qemali”.
“Dy në 10 familje ushqehen me lista. 70 % e shqiptarëve harxhojnë paratë për bukë, nivele afrikane mjerimi. Pse ndodhin të gjitha këto? Këta që paraqiten si patriotë të mëdhenj dhe e lënë mjekrën si Ismail Qemali. Ne do dalim nga kjo krizë, por është fillimi i fundit të kësaj sëmundje të tmerrshme, që për pak do e shkatërronte vendin. Kjo e ardhme tashmë është në duart tona dhe kërkon që të besojmë se e nesërmja do të jetë dhe mund të jetë ndryshe. Pasi ky vend është i talentuar dhe me vende të jashtëzakonshme. Këtu e vetmja e keqe është kapja e pushteteve”, u shpreh Basha.
