Pas mbledhjes në kryesinë e Partisë Socialiste, kryeministri Edi Rama u shpreh se fokusi i diskutimeve ishin zgjedhjet brenda partisë.
I pyetur nga gazezarët për kërkesën e kryetarit të PD Lulzim Basha për të vepruar si kryeministri i Maqedonisë Zoran Zaev dhe për të shpallur zgjedhje të parakohshme, Rama u përgjigj se nuk do të ketë asnjë lëkundje të tillë.
“E çfarë do të them unë në këtë rast?! Këtu nuk ka asgje të re, ato kanë punuar shumë fort dhe nuk kanë lënë gurë pa luajtur për të dështuar procesin por nuk ja kanë dalë. Ne kemi marrë mbështetjen e fuqishme të Merkel. Shoh një periudhë që Shipëria nuk ka arritur të merrte atë që meritonte. Ky ishte një konflikt mbi te ardhmen e BE-së. Detyrat tona janë shumë të qarta. Ja siç e shikoni dielli ka dalë përsëri, dita ka filluar dhe ne do vijojmë pa asnjë lëkundje. Këtë do bëjmë.”- u shpreh Rama përpara gazetarëve.
