Arta Marku mesazh të fortë magjistratëve të rinj: Shumë shpejt do e kuptoni për çfarë po flas, sot ndiheni të fuqishëm por…

Kryeprokurorja e Përgjithshme e Përkohshme Arta Marku ka mbajtur një fjalim në ceremoninë e diplomimit për magjistratët e rinj që nisin rrugëtimin e tyre në sistemin e drejtësisë.

Nga shkolla e Magjistraturës Marku në fjalën e saj dha mesazhin se këta të rinj i presin sfida të mëdha dhe se këtë do ta kuptojnë shumë shpejt.

“Nuk duhet të notoni në vetë kënaqësi se ky nuk është fundi i rrugës, por fillimi i një rruge të gjatë me shumë sfida e vështirësi. Keni përfituar njohuri e eksperiencë të bollshme e këto ju bëjnë të ndiheni të fuqishëm e të përgjegjshem. Latinet thoshin se “dija është fuqi”.

E vërtetë por deri në një farë mase.

E vertete nëse veproni në mënyrën e duhur në të drejtën.

Le te kthehemi te sfidat. Shumë shpejt do e kuptoni perse e kam fjalën e do ndesheni me to.

Sistemi i drejtesise është në reformim të thellë, edhe veshtiresite jane shumë të mëdha. Unë jam e bindur se do ja dilni me energjitë e reja që do i sillni sistemit e do ndimoni në përmirësimin e imazhit të sistemit dhe tërë imazhit të Shqipërisë gjë të cilën ne të gjithë e duam”.