Arrestohet në Vlorë anëtari i rrezikshëm i bandës së Llanajve, si u arratis 3 vite më parë nga burgu i Romës (EMRI)

Policia e Vlorës ka vënë në pranga një person të dënuar me burgim të përjetshëm.

Sipas informacioneve i arrestuari është Tesilvano Basho, i cili rezulton të jetë dënuar me dënim maksimal dhe paraqet rrezikshmëri të lartë.

Ai ishte i shpallur në kërkim prej organeve të drejtësisë shqiptare.

Bashko ka kryer vepra të rënda penale në Itali dhe Shqipëri.

Ai është arratisur në 27 tetor 2016 nga burgu i Rebibbias në Romë bashkë me 3 shqiptarë të tjerë. Basho është dënuar maksimalisht nga drejtësia italiane për vrasje të dyfishtë. Edhe në Shqipëri, ai dyshohet se ka kryer vrasje, konkretisht në qytetin e Vlorës.

Nga ana tjetër, ai pretendohet se lëvizte lirshëm në Vlorë.

Tesilvano Basho rezulton të jetë anëtar i bandës së Llanajve në Selenicë, e cila ka kryer një seri vrasjesh në qytetin bregdetar.