LIGJET E BIZNESIT
Një ngjarje aspak e zakontë ka ndodhur sot në Qendrën e verifikimit të votave në Kosovë.
Sipas mediave është ndërprerë procesi i verifikimit të votave të ardhura nga Serbia, pasi janë shfaqur probleme me zarfet që kundërmonin erë të rëndë.
Zyrtarët e KQZ në Kosovë kanë pësuar alergji sapo kanë hapur zarfet me votat e ardhura me postë nga Serbia dhe për pasojë janë helmuar 26 prej tyre.
Besnik Buzhala, nga divizioni i Shërbimit të Votuesve shprehet se zyrtarët janë ndjerë keq me skuqje në duar dhe fytyrë kur kanë hapur 5 kutitë e ardhura nga Serbia.
Simptomat e shfaqura janë alergji në duar dhe fytyre si dhe kanë pasur temperaturë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Procesi mësohet se është ndërprerë dhe nuk dihet kur do të rinisë, ndërsa personat e helmuar janë transportuar menjëherë për në spital për të marrë ndihmën e nevojshme shëndetësore.
Lidhur me këtë mediat kanë kontaktuar edhe me Policinë e Kosovës, të cilët kanë thënë se janë duke u marrë me rastin.
“Policia posedon informacionin dhe në aspektin policor jemi duke e trajtuar, ndërsa lidhur me detaje në këtë fazë adresohuni KQZ-së dhe autoriteteve shëndetësore”, ka thënë Daut Hoxha, zëdhënës i policisë.
