LIGJET E BIZNESIT
Mbrëmjen e djeshme një aksident tragjik në tunelin Tiranë-Elbasan, i mori jetën një 42-vjeçari.
Policia bën me dije se viktima u identifikua si Elton Maçolli, 42 vjeç.
Mësohet se ai është vëllai i deputetes së Partisë Socialiste, Blerina Gjylameti.
Aksidenti fatal ndodhi natën e djeshme teksa viktima po udhëtonte në autostradë.
Në një moment kur ndodhej në hyrje të tunelit ai ka kryer një parakalim të gabuar dhe si për pasojë ka ndodhur dhe aksidenti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pas përplasjes mjeti ka hyrë poshtë kamionit dhe më tej u përfshi nga flakët.
Edhe pse punonjësit e sigurisë së tunelit kanë ndërhyrë, nuk ka patur asnjë mundësi shpëtimi.
Ai u dërgua për në morgun e spitalit të Elbasanit ku dhe më pas u bë i mundur identifikimi.
Elton Maçolli punonte në bazën ushtarake të helikopterëve në Farkë.
Kujtojmë se kjo është tragjedia e dytë në familjen e Blerina Gjylametit, pasi rreth një vit më parë në muajin korrik të 2018-tës, motra e saj ndërroi jetë pas një sëmundjeje të rëndë.
