LIGJET E BIZNESIT
Pas aksidentit tragjik që ndodhi mbrëmjen e djeshme në vendin e quajtur “Ura e Dajlanit” në Durrës, ku një i ri mbeti i vdekur janë arrestuar 2 persona.
Sipas njoftimit zyrtar të policisë, të arrestuarit janë shtetasit F. T., 54 vjeç dhe P. T., 49 vjeç, përkatësisht shoferët e dy mjeteve.
25–vjeçari me iniciale R.B 25-vjeç, punonte si shpërndarës picash dhe ishte me motor në momentin që u përplas me autobusin. Pas kësaj përplasje një tjetër makinë në ecje e mori para. Ende nuk dihet identiteti i plotë i viktimës.
Për këtë ngjarje të rëndë drejtuesi i autobusit ka rrëfyer se nuk e ka parë viktimën, por ka dëgjuar vetëm zhurmë në momentin e përplasjes. Ndërsa drejtuesi i furgonit ka deklaruar se nuk e ka kuptuar kur mjeti që drejtohej prej tij ka tërhequr zvarrë një person dhe për këtë arsye është larguar edhe nga vendi i ngjarjes.
NJOFTIMI ZYRTAR I POLICISE
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në lidhje me aksidentin e ndodhur mbrëmjen e datës 26.10.2019 në aksin rrugor “Tiranë-Durrës”, si pasojë e të cilit humbi jetën një shtetas, në përfundim të veprimeve të para hetimore u bë zbardhja dhe dokumentimi i plotë i ngjarjes si dhe arrestimi në flagrancë i shtetasve:
– F. T., 54 vjeç, banues në Tiranë;
– P. T., 49 vjeç, banues në Krujë.
Arrestimi i tyre u bë për shkak se në autostradën “Tiranë-Durrës”, tek mbikalimi i këmbësorëve në Shkozet, mjeti tip “Fiat Dukato” që drejtohej nga shtetasi F. T., dhe mjeti autobuz tip “Skania” që drejtohet nga shtetasi P. T., janë përplasur me motorin tip “Dajang”, me drejtues shtetasin R. B., 25 vjeç, banues në Durrës, i cili ka ndërruar jetë.
Materialet i kaluan Prokurorisë së Rrethit Gjyqësor Durrës për veprën penale ” Shkelja e rregullave të qarkullimit rrugor”.
