Një person ka humbur jetën pas një aksidenti të ndodhur në aksin Milot-Fushë Krujë. Aksidenti ka ndodhur në vendin e quajtur “Kryqëzimi i Fushë Kuqes”.
Me sa duket një makinë që lëvizte me shpejtësi shumë të lartë ka aksidentuar një person. Viktima bëhet me dije se është Mark Lleshi.
Shkaktari i aksidentit është larguar me shpejtësi nga vendi i ngjarjes ndërkohë që për shkak të errësirës, makinat e tjera që kanë kaluar e kanë shtypur trupin e të ndjerit.
Ndërkohë që policia ka mbërritur menjëherë në vendin e ngjarjes dhe po punon për identifikimin dhe kapjen e autorit.
