8 milionë euro detyrime në shtet, gjykata jep vendimin për biznesmenin Rezart Taçi

Ditën e sotme Gjykata e Apelit ka shpallur të pafajshëm biznesmenin Rezart Taçi.

Taçi akuzohej për mospagim taksash, ku sipas informacionit të Prokurorisë biznesmeni nuk kishte paguar 8 milionë euro detyrime tatimi dhe taksash.

Fillimisht këtë debit e ka konstatuar një audit i tatimeve i cili kontrolloi veprimtarinë e ARMO-s për vitet 2011-2013.

Më herët gjykata e Shkallës së parë e Tiranës e shpalli të pafajshëm biznesmenin. Mirëpo ky vendim u ankimua nga prokuroria.

Tashmë Taçi ka fituar përfundimisht pafajësinë, pasi gjykata e Apelit ka rrëzuar kërkesën e Prokurorisë duke lënë në fuqi vendimin e pafajësisë.