Ceremonia, diplomohen 1050 studentë të UMSH

Plot 1050 studentë të Universitetit Mesdhetar të Shqipërisë u diplomuan sot, duke finalizuar me sukses studimet e tyre. Në ceremoninë speciale morën pjesë dhjetëra të ftuar mes të cilëve: pedagogë, politikanë e prindër të cilët me emocion përjetuan këtë moment të rëndësishëm për fëmijët e tyre.

Kryetari i Bashkisë së Tiranës, Erion Veliaj përshëndeti ceremoninë, duke inkurajuar të rinjtë e sapodiplomuar të investojnë në dije dhe të punojnë fort për të realizuar ëndrrat e tyre. Themeluesi i UMSH, Akademik, Prof.Dr Anastas Angjeli vlerësoi stafin e pedagogëve duke nënvizuar se për Universitetin Mesdhetar ka rruga ka qenë plot me sfida, dhe frytet e saj i tregon më së miri një ceremoni e tillë ku studentët rriten nga viti ne vit.

“Të diplomuarit e Universitetit Mesdhetar të Shqipërisë mbajnë pozicione të rëndësishme pune në institucione publike e private. Kjo ditë për ne është një tjetër ditë krenarie”, u shpreh Profesor Angjeli.