Shqiptarët e rekrutuar nga shteti ISIS dita dites shtohen e ndersa nuk mungojnë thirrjet e tyre për ndihmë në kampet e Sirisë.
E mitura Elona Shuli është një prej tyre.
Që pas vdekjes të prindërve, 17 vjeçarja Elona Shuli, kujdeset e vetme në Siri për Suhejdin, djalin e saj 3 vjeçar të lindur atje si dhe për 2 motrat Ermën e Jusrën e vëllain e vogël, Ibrahimin.
Situata në kampin Al Hawl është përkeqësuar me futjen e forcave te shtetit islamik të Sirisë dhe Irakut, megjithatë Elona u tregon familjarëve se vazhdojnë të jenë në dorën e autoriteteve kurde, ndërsa ISIS po u afrohet.
“Dëgjo, këtu nuk kam asnjë adresë që të flas me kryeministrin, po patët ju aty ma jepni të flas unë me të dhe e dyta e punës thuaj nënës nuk mund të flas dot me telefon se gjendja këtu është e rrezikshme. Mos u bëni merak, elhamdulillah do flasim çfarë do ndodh”, ka thënë Elona Shuli.
Në një audio të siguruar nga Top Channel ajo dëgjohet teksa i kërkon shtetit shqiptar ta ndihmojë për ta larguar nga terrori që po përjeton.
