Zjarri shkrumbon ullishtat në Mbrostar të Fierit

Një vatër zjarri shumë e fuqishme ka shkrumbuar një hapësirë të konsiderueshme ullinjsh në fshatrat e Fierit. Vatra më e fundit e zjarrit raportohet se ka rënë në Kodrat e Petovës, njësia administrative e Mbrostarit (Fier).

Në këtë fshat mësohet se janë djegur mbi 500 rrënjë ullinj, të gjithë në prodhim.

Forcat zjarrfikëse kanë zbarkuar në terren dhe po luftojnë me flakët, ndërsa kundër kanë dhe erën që favorizon përhapjen e zjarrit. Ende nuk ka informacione se çfarë e ka shkaktuar ndezjen e flakëve.

Nga e tyre pronarët e këtyre parcelave me ullinj kanë akuzuar për zjarrvënie të qëllimshme dhe kërkojnë dëmshpërblim nga instancat shtetërore.

Sakaq,  dy vatra të tjera zjarri vazhdojnë të shkrumbojnë prej 3 ditësh masivin pyjor të Bulqizës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern