Zhdukja misterioze e kapitenit të jahtit, flet gruaja: Fëmijët duan babin, c’tu them?

Vijon të mbetet misterioze zhdukja e kapitenit të jahtit luksoz i gjetur i braktisur pranë brigjeve të Shëngjinit.

Teksa për kapitenin Sezgin Yavuz ende nuk ka lajme dhe Prokuroria ka nisur hetimet për pronarin e Jahtit, ka folur bashkëshortja e tij.

Vesile Yavuz, 26-vjeç, e cila është në pritje të një fëmije, 3 muaj e gjysmë shtatzënë,  ka deklaruar se në datën 4 shtator ai e ka telefonuar dhe i ka thënë se është nisur drejt Turqisë dhe se do ta telefononte sërish pas dy ditësh, telefonatë e cila nuk ka ardhur më kurrë.

Yavuz tha se bashkëshorti i saj nuk kishte kishte problem shëndetësor dhe se notonte shumë mirë, duke hedhur poshtë dyshimet se mund të ketë ndërruar jetë apo të jetë mbytur në det.

“Më thirri në 4 shtator të këtij muaji dhe më tha se do kthehem. “Do të të telefojojë sërish pas dy ditësh” më tha, por nuk më thirri më kurrë. Jahti ku ai udhëtonte u gjet i braktisur në Shëngjin. Kërkojë ndihmën e policisë. Dua që bashkëshorti im të kthehet. Vajza ime më pyet për babanë, por unë nuk mund t’i them asgjë”, mësohet të ketë thënë Vesile Yavuz.