Zbulohet vendi, ja nga ku e ndoqi Rama fjalën e Metës në Komisionin Hetimor

Në kohën që presidenti Ilir Meta po jepte dëshminë e tij përpara Komisionit Hetimor që kërkon shkarkimin e tij, drejtuesit e mazhorancës ishin mbledhur jo shumë metra larg sallës ku po zhvillohej mbledhja.

Burime mediatike bëjnë me dije se kryeministri Edi Rama, ministri i Brendshëm Sandër Lleshaj dhe kreu i grupit parlamentar në PS Taulant Balla e kanë ndjekur seanën dëgjimore të presidentit Ilir Meta në Komisionin Hetimor nga zyra e kreut të Kuvendit, Gramoz Ruci.

Rreth 40 minuta pas nisjes së seancës dëgjimore, kryeministri u pa duke u larguar nga zyra e kreut të Kuvendit.