Xhaka deklaron distancimin nga futbolli për një arsye madhore

Granit Xhaka është në kulmin e karrierës së tij futbollistike.

Kapiten i Arsenalit dhe i kombëtares së Zvicrës, por kjo nuk e ka larguar aspak nga jeta e një familjari të rregullt.

Përmes një interviste, Xhaka ka deklaruar se do të distancohet nga futbolli për një kohë të shkurtër, për t’i qëndruar më pranë gruas së tij, e cila është në pritje të ëmbël.

Kapiteni i Zvicrës në një intervistë deklaroi se në jetë ka gjëra më të rëndësishme se futbolli dhe ka njoftuar lojtarët dhe stafin teknik se do të qëndrojë 2 javë pushim.

“Ka disa gjëra në jetë që janë më të rëndësishme se futbolli si përshembull ai që do të bëhesh baba. Me Seferoviçin kishim rënë të gjithë dakord që do të jepte maksimumin me Irlandën dhe më pas do të ikte për t’i qëndruar pranë të shoqes. E njëjta gjë do të ndodhë edhe me mua”, deklaroi lojtari i njohur.