Petrit Syla, administratori i “Skela Syla” është liruar sot nga burgu pas vendimit të Gjykatës së Apelit.
Vendimi është marrë nga tre gjyqtarët: Artur Gaxhi, Flutura Skëndeti dhe Gramoz LEvanaj.
Gjykata e Shkallës së Parë e kishte lënë biznesmenin në masën e sigurisë “arrest me burg” pasi dyshohej se kishte shkelur rregullat e sigurisë në punë.
Ai u arrestua pasi 2 punëtorë humbën jetën më 16 gusht, pas rrëzimit të një skele të pallatit në Tiranë ku po punonin.
Avokati i biznesmenit, Mirash Ndoci e apeloi vendimin duke thënë se ndalimi i Petrit Sylës ishte i paligjshëm dhe se përgjegjësia për ngjarjen në rrugën e Elbasanit në kryeqytet, nuk bie mbi administratorin.
