Është shkarkuar nga detyra administratori i njësisë Kaçinar Gjetë Shkurti.
Shkarkimi erdhi pas audopërgjimeve të publikuara dy ditë më parë nga Fax News.
Gjithashtu Shkurti ka lidhje dhe me lejen e 4 Heceve që po ndërtohen në zonën e Kaçinarit.
Gjete Shkurti mbante këtë post prej katër vitesh. Pak dite më parë Gjetë Shkurti doli në një audio-pergjim në lidhje me ndërtimin e HEC-ve në zonën e tij i cili permend edhe shuma të mëdha parash.
“Veç në q*ftë nanën e vet Edi Rama se ka me i dal zot deri ditën e fundit ose ka me i dhan firmës 7 milionë euro mbrapsht, se i ka dhan firmën për me e bo, trrakk, e di ai“., dëgjohej të thoshte Shkurti në video.
Banori (i paidentifikuar) i kërkon ta zgjidhin këtë çështje me Kanun, por sipas administratorit Shkurti shoqëria e ka marrë ‘me shtet’ lejen, çka garanton mospengimin e ndërtimit të HEC-eve në zonë.
Biseda e plotë mes administratorit Gjet Shkurti dhe një banori të zonës:
Administratori: As s’jemi djegur, as s’kemi dalë fare. I dalim zot vetes e harrojmë shtetin, shtetin e lëmë mënjanë, me merremi me punët tona.
Qytetari: Pse nuk e zgjidhni me Kanun punën e ujit atëhere?
Administratori: Se kemi fitu me Kanun (lejen) e kemi fitu me shtet. Por katunit (banorëve të fshatit), duhet me iu përgjigj.
Qytetari: Herë thua Kanun e herë me shtet mor burrë…
Administratori: E ka fitu me shtet (lejen e HEC), dhe ate veç në q*ftë nanën e vet Edi Rama se ka me i dal zot deri ditën e fundit ose ka me i dhanë firmës 7 milionë euro mbrapsht, se i ka dhëne firmën për ta bërë, trrak, e di ai… Ndërsa me zakon e di ai se ka thënë Edi Rama, ajo është toka jote.
