LIGJET E BIZNESIT
Një debat i ashpër ka ndodhur mbrëmë në emisionin “Opinion”, midis zv.ministrit të Infrastrukturës Artan Shkreli dhe aktivistit Gjergj Bojaxhi në lidhje me furnizimin me ujë në Tiranë.
Shkreli i ka habitur të gjithë në momentin që është shprehur se një nga problemet që ka Tirana është numri i lartë i popullsisë si dhe faji i njerëzve për sasinë e lartë të ujit që konsumojnë.
Ai shtoi se familjet shqiptare konsumojnë shumë ujë, pasi lahen ditë për ditë dhe se Shqipëria nuk e ka standartin si Zvicra.
DEBATI I PLOTE
Artan Shkreli: Një familje shqiptare konsumon ujë sot disa herë më shumë se para 20 vitesh. E njëjta familje me të njëjtët pjesëtarë.
Gjergj Bojaxhi: Dmth fajin e kanë familjet shqiptare, ta marrim vesh? Artan Shkreli: Sigurisht, ka rritje të standardit…
Gjergj Bojaxhi: Dmth shteti i merr taksat, por nuk jep ujë… Artan Shkreli: Gjergj Bojaxhi u lante njëherë në javë në 1990.
Gjergj Bojaxhi: Jo faleminderit nuk lahesha njëherë në javë… Artan Shkreli: Ok, ti ke qenë qeliza e çmendur që laheshe ditë për ditë.
Gjergj Bojaxhi: Dmth meqenëse unë kam qenë i pastër, kam qenë i çmendur. Artan Shkreli: Një herë në javë laheshin të gjitha familjet shqiptare, veç familjes tënde
Në debat e sipër, teksa aktivisti Gjergj Bojaxhi kërkonte llogari për mungesën e ujit, Artan Shkreli tha: Ti nuk mund të më kërkosh llogari mua se standardi shqiptar është ky që është sot.
Gjergj Bojaxhi: Pse nuk e ke ti përgjegjësinë?
Artan Shkreli: Jo, nuk e kam standardin e zviceranëve unë. E kam më poshtë unë. Gjergj Bojaxhi: Na thuaj cili është standardi që ti paske, ta dimë… Në ligj e ke standardin si në Europë.
