Tentoi të vriste bashkëshorten, arrestohet 29-vjeçari nga Shkodra

Policia e Shkodrës ka parandalua një ngjarje të rëndë kriminale në familje. Një 29 vjeçar, banues në fshatin Rragam Shkodër është arrestuar nga policia pasi ai kanoste me armë zjarri dhe dhunonte fizikisht në banesë bashkëshorten.

Në momentin kur 29-vjeçari me iniciale Z.Ç. i kishte drejtuar edhe kallashnikovin gruas së tij, mbërriti Policia. Sapo ka parë policinë hodhi përtej armën dhe ia mbathi vrapit në drejtim të pyllit për t’u fshehur.

Policia e ka ndjekur nga pas nëpër pyll për disa orë ikanakun dhe pasi e ka gjetur, i ka vënë prangat. Z.Ç do të akuzohet për tre veprat penale “Kanosje”, “Dhunë në familje” dhe “Mbajtja pa leje e armëve luftarake dhe e municionit”. Dosja e tij i kaloi Prokurorisë së Rrethit Gjyqësor Shkodër.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern