LIGJET E BIZNESIT
Një situatë e tensionuar po ndodh aktualisht në Orikum, ku po zhvillohen përplasje të forta mes banorëve dhe punonjësve të IKMT të cilët kanë zbarkuar në zonë për të zbatuar planin e prishjes së 60 objekteve.
Disa prej njerëzve kanë dalë me fëmijët në krah përpara fadromave të IKMT-së, në përpjekje për të penguar shembjen e godinave në pronësi të tyre, duke pretenduar se janë të pajisur me lejet përkastëse.
Po ashtu, pronarët e këtyre objekteve, shprehen se nuk iu është dhënë asnjë sqarim lidhur me projektin e Bashkisë.
Aksioni, ku përfshihen 60 ndërtesa të tilla që janë në plan për t’u prishur, ndërmerret sipas njësisë vendore të Vlorës për t’i lënë hapësirë plazheve publike. “Nuk e keni mirë kështu siç e keni nisur”- dëgjohen të bërtiura nga ana e banorëve, që po bëjnë rezistencë ndaj shembjes së këtyre ndërtimeve buzë detit.
Në mbështetje të këtij aksioni kanë mbërritur forca të shumta policie të Ndërhyrjes së Shpejtë (FNSH), për të shmangur përplasjet me pronarët e këtyre objekteve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Aksioni ka nisur me shembjen e lokalit të njohur në zonë, “Copa Cabana”, për të vijuar me 59 objektet e tjera.
