“Të bëhen burra e mos shkelin kurrë në këtë rrugë” Rama e nis të shtunën me një paralajmërim të fortë

Kryeministri Rama ka shpërndarë sot në rrjetet sociale fotot nga nisja e punimeve për rrugën turistike të Thethit.

Sipas kreut të qeverisë ka nisur puna pas 30 vitesh premtime dhe zhgeënjime për t’I dhënë shtysë të fortë zhvillimit të turizmit malor në qarkun e Shkodrës.

Në fund kryeministri ka paralajmëruar të gjithë ata që kanë bërë ironi me projektin 3D të rrugës.

“Ata që para disa javësh në këtë faqe e përqeshnin postimin e videoprojektit të kësaj rruge turistike në 3D, të bëhen “burra” e të mos shkelin kurrë në këtë rrugë“- shkruan Rama.

POSTIMI I PLOTE I KRYEMINISTRIT RAMA

JA EDHE KANTIERI I SAPONGRITUR i rrugës turistike të Thethit, ku pas 30 vjetësh premtime e zhgënjime ka nisur puna, tamam siç ishim zotuar, për t’i dhënë një shtysë të fortë zhvillimit të turizmit malor në Qarkun e Shkodrës, si edhe një mbështetje të madhe banorëve të asaj zone të bekuar, të cilët edhe pse thuajse të izoluar nga bota, kanë ndërtuar me mund e mençuri një model biznesi të admirueshëm duke e kthyer traditën e mikpritjes në burim ekonomik? #RESPEKT?

• Rruga e re nis në Qafë Thore e përfundon në qendrën e Thethit
• Afati per realizimin e punimeve 10 Muaj – Korrik 2020
• Ata që para disa javësh në këtë faqe e përqeshnin postimin e videoprojektit të kësaj rruge turistike në 3D, të bëhen “burra” e të mos shkelin kurrë në këtë rrugë?

#MalësiaTuristikeqëDuam??
#ShqipëriaqëDuam☀️??