LIGJET E BIZNESIT
Dy tanke rusë u shkatërruan plotësisht, pasi ranë nga një avion që po fluturonte në mbi 1500 metra, gjatë një stërvitjeje të madhe ushtarake, pasi parashutat që duhet t’i zbrisnin në tokë nuk u hapën. Ministria ruse e Mbrojtjes njoftoi se brenda tankeve nuk kishte personel ushtarak dhe asnjë person nuk ishte lënduar në tokë.
Incidenti i sikletshëm ndodh gjatë stërvitjes së përbashkët ushtarake mes tetë shteteve të Azisë, mes tyre edhe Rusia, Kina dhe India. Presidenti rus Vladimir Putin ishte ka ndjekur nga afër stërvitjen, por nuk është konfirmuar nëse ka qenë i pranishëm në momentin e incidentit.
Sipas disa zyrtarëve, shkak i aksidentit ishte era e fortë, por edhe gabimi i ushtarëve që lëshuan tanket në këto kushte atmosferike. “Për shkak të mosfunksionimit të sistemit të parashutave, tanket ranë në tokë dhe u shkatërruan”, tha një zëdhënës i Ministrisë së Mbrojtjes.
Në stërvitje marrin pjesë edhe ushtritë e Pakistanit, Kirgizistanit, Kazakistanit, Taxhikistanit dhe Uzbekistanit, në total 128000 efektivë./ A2 CNN
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
