LIGJET E BIZNESIT
Në lidhje me fjalët që janë përhapur në Tiranë në lidhje me një takim të fshehtë mes kryeministrit Rama dhe kreut të PD, Basha në Berlin ka reaguar sekretari i Përgjithshëm i Partisë Demokratike, Gazment Bardhi.
Përmes një postimi në rrjetet sociale, Bardhi mohon kategorikisht një gjë të tillë. Sipas tij kjo është një thashethemnajë që është përhapur enkas nga propaganda qeveritare.
Sipas numrit dy të PD-së e gjithë kjo ka për qëllim të mbulojë skandalin e ri të bashkisë së Vaut të Dejës, Mark Babani i cili rezulton i dënuar në Itali për një sërë vepra penale.
Postimi i Gazment Bardhit:
Asnjë takim në Berlin, Uashington, Paris apo Bruksel nuk e fshin dot të vërtetën skandaloze se me Edi Ramën, njeriun që futi krimin në zgjedhje dhe qeveris me të, nuk ka për të pasur nisje të bisedimeve për anëtarësim.
Propaganda nuk mund ta mbulojë heshtjen e Edi Ramës për kriminelin e tij të Vaut të Dejës, Mark Babani. Njësoj si për Valdrin Pjetrin e Shkodrës, për Agim Kajmakun e Vorës, Edi Rama po fshihet edhe për Mark Babanin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kandidati i Edi Ramës ka mashtruar publikisht me formularin e dekriminalizimit dhe ai duhet të dalë para drejtësisë për këtë.
Është fakt se Mark Babani është arrestuar, dënuar e dëbuar nga autoritetet italiane dhe ai nuk e ka deklaruar këtë. Provat për këtë janë të pakundërshtueshme dhe prokuroria mjafton të ketë vullnetin t’i marrë në dorëzim ato.
Edi Rama dhe kandidati i tij për Vaun e Dejës duhet të sqarojnë publikun se çfarë i kujton data 4 Prill 1994. As mashtrimet publike të Mark Babanit dhe as heshtja e Edi Ramës nuk e ndryshon dot të vërtetën.
Me kriminelët në parlament, me kriminelët në pushtetin lokal, me kriminelët në qeverisje nuk ka të ardhme për shqiptarët, nuk ka integrim, nuk ka Shqipëri si gjithë Europa.
