Pak momente pas publikimit të lajmit të dorëheqjes së drejtoreshës së ARRSH Sonila Qato, ka ardhur dhe reagimi i Partisë Demokratike.
Me anë të një njoftimi në Facebook, ish-deputetja Jorida Tabaku shkruan se dorëheqja është firmosur që dje nga Qato por u publikua sot për të tërhequr vëmendjen nga gjyqi kundër Saimir Tahirit.
Tabaku shkruan ndër të tjera se është Edi Rama që e ka larguar nga detyra Qaton dhe se nesër PD do të publikojë prova të reja për skandalin që e detyroi të largohet.
POSTIMI I PLOTE I ISH-DEPUTETES JORIDA TABAKU
Me parimin një vjedhje të madhe mbuloje me një zhurmë më të madhe, Edi Rama, largoi nga detyra drejtorëshën e Agjencisë së Rrugëve, Sonila Qato 1 orë përpara se gjykata të marrë vendimin për Saimir Tahirin. Nje doreheqje qe ka qene gati qe dje e firmosur!
Edi Rama po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, I Belinda Ballukut dhe I kompanive me të cilat, Rama, bashke me to, vjedh shqiptarët! Asgjë nuk do të harrohet! Çdo aferë korruptive do t’i bëhet e njohur publikut! Partia Demokratike do të sjellë që nesër prova për skandalin që detyroi Sonila Qaton të largohet.
