LIGJET E BIZNESIT
Nisin reshjet e dendura të shiut në Tiranë e në shumë qytete të tjera. Sipas njoftimit të Shërbimit Meteorologjik Ushtarak (SHMU), në një pjesë të mirë të vendit kryesisht në Shqipërinë Qendrore e Veriore ka pasur reshje të dendura shiu dhe stuhi gjatë orëve të para të mbrëmjes. Reshjet janë shoqëruar me vetëtima e erë të fortë. Sipas matjeve nga SHMU, në 10 minuta ka pasur 290 shkarkesa elektrike.
Sipas këtij Shërbimi, situata do të jetë e tillë të paktën deri nesër pasdite. Më shumë reshje kanë rënë në Tiranë, Elbasan dhe Lezhë. Situata pritet të përmirësohet nesër gjatë pjesës së dytë të ditës.
NJOFTIMI I SHMU:
Reshjet e shiut në formën e shtrëngatave e stuhive po ushtrojnë aktivitetin e tyre në qytetet Tiranë, Lezhë, Elbasan. Sasia më e madhe e reshjeve është regjistruar në qytetin Lezhës me 53.0 mm, Shkodrës me 26.0mm, Tiranës 9.6mm. Kjo situatë është shoqëruar edhe me erë të vrullshme deri në 15-18 m/sek.
Për orët në vijim reshjet intensive shoqëruar me shtrëngata e stuhi do të mbeten më të përqendruara në Shkodër, Lezhë, Durrës e Tiranë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përmirësimi i situatës pritet të vijë gradualisht nesër në pjesën e dytë të ditës.
