Ditën e djeshme Renato Mekolli ka qenë i ftuar në programin “E diell”, ku ka rrëfyer rrugëtimin e tij në punë në Greqi si dhe gjërat që është dashur të heqë dorë prej saj.
Një moment mjaft emocionues për shefin e njohur të kuzhinës ka qenë dhe surpriza që kishte përgatitur stafi i emisionit.
Në ekran u shfaq shefi i parë i kuzhinës ku Renato ka mësuar, i cili e përshëndeste duke i uruar më të mirat.
Në këtë moment Mekolli është përlotur duke shtuar se arsyeja se pse qante, ishte se ai njeri i kishte mësuar çdo gjë edhe kur i kishte bërtitur dhe i ishte sjellë ashpër.
“Më bërtiste, por ai më mësoi çdo gjë”, u shpreh Renato.
