‘Shpejtësia sjellë pasoja fatale për ju dhe të tjerët’, mesazhi i policisë për drejtuesit e mjeteve

Policia Rrugore ka rritur monitorimet dhe patrullimet me përzgjedhje për drejtuesit e mjeteve që nuk respektojnë sinjalistikën rrugore, që kryejnë parakalime të gabuara duke rrezikuar veten dhe përdoruesit e tjerë të rrugës gjatë manovrave për të fituar disa sekonda më shumë drejt destinacionit që janë nisur.

“Parakalime të tilla të gabuara, e aq më tepër në kushte të shpejtësisë apo të trafikut të rënduar, për shkak të rrezikshmërisë që ato mbartin, mund të jetë edhe i fundit ? për drejtuesin e mjetit, por dhe përdoruesit e tjerë të rrugës.

Duke marrë shkas nga disa aksidente rrugore që kanë ndodhur ditët e fundit, si pasojë e të cilëve janë dëmtuar rëndë apo kanë mbetur viktima disa nga personat e përfshirë në to, Policia Rrugore apelon edhe njëherë për të gjithë drejtuesit e mjeteve, por edhe për këmbësorët , të tregojnë kujdes, të respektojnë rregullat e qarkullimit rrugor, sinjalistikën rrugore, vijat e bardha e gjithmonë përparësi këmbësorëve.
#SiguriaePara
#ParakalimiiGabuarVret”, -thuhet në mesazhin e policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern