LIGJET E BIZNESIT
Policia greke ka goditur ditën e sotme një bandë prej 8 anëtarësh, mes tyre 6 shqiptarë, të cilët merreshin me grabitje biznesesh, shtëpi dhe parkingje private.
Mësohet se vjedhjet me armë zjarri zhvilloheshin në zona të ndryshme të Atikës në Athinë.
Gjatë grabitjeve, banda vepronte me 2-5 veta. Autoritet greke kanë bërë publike të gjithë të arrestuarit shqiptarë.
Për t’i shpëtuar përgjimit nga policia, grabitësit përdornin karta telefoni me emra personash inekzistentë.
Policia sekuestroi një sasi të madhe objektesh:
1 kallashnikov, 2 pistoleta, 1 revolver, 4 makina private, 1 skuter me licencë të falsifikuar, 2 licenca të falsifikuara, 2 karta ID të falsifikuara, 1 thikë, 1 palë dylbi, telefona etj.
Aktivitetet e bandës
6 pika karburanti të grabitura;
2 grabitje në parkime private;
1 grabitje shtëpie dhe 1 motorçikletë.
Kush janë të arrestuarit:
Shqiptarët e arrestuar në këtë operacion policor të forcave helene janë:
Mirel Kasaj
Dionis Rustemi
Marinel Murataj
Dhimitër Ramadani
Erius Tafaj
Roland Roshi
Ndër të arrestuarit bie në sy emri i Mirel Kasaj. Kjo sepse Kasaj habiti opinionin publik, për faktin se në gjykimin e tij për një grabitje në Shqipëri, arriti që të ikë e të arratiset nga Gjykata e Vlorës. Pavarësisht përpjekjeve të personelit, ai u arratis.
Kasaj mësohet se ka ikur në Greqi dhe se edhe atje ka nisur veprimtarinë kriminale. Në një raportim të mëhershëm të mediave greke, Kasaj në momentin e arrestimit për vjedhje, kishte deklaruar përpara oficerëve se “ishte i rrezikshëm”, duke pasur parasysh arratisjen nga Gjykata Vlorë.
