LIGJET E BIZNESIT
Reshjet e dendura të shiut gjatë natës së kaluar kanë shkaktuar përmbytje në 3 shkolla 9-vjecare në Tiranë.
Përkatësisht në shkollat “Sabaudin Gabrani”, shkolla 9 vjecare në “Yzberisht” dhe ajo në Lalm, janë përmbytur katet e para si pasojë e reshjeve të shiut.
Këtë lajm e ka bërë të ditur vetë ministrja e Arsimit Besa Shahini e cila shprehet se për pasojë nuk do të ketë mësim sot në këto shkolla.
“Ekipet e Bashkisë dhe Ministrisë janë duke punuar në terren. Dita e mësimit sot do të zëvendësohet në një ditë tjetër ndërsa po përpiqemi që këto shkolla të hapen nesër”, shkruan ministrja në postimin e saj në FB, bashkangjitur fotos më lart.
