Gjatë një aktiviteti në shkollën “Shejnaze Juka” ditën e sotme në Shkodër, deputetja Rudina Hajdari u përball me reagimin e ashpër të një të riu, i cili e akuzoi atë se po i shërben Edi Ramës dhe se po kthen komunizmin në vend.
Fillimisht u raportua se një prej nxënësve ka reaguar ashpër ndaj deputetes. Por në fakt ai nuk është nxënës në këtë shkollë. Ai është Fatjon Mani, anëtar i FRPD-së.
“Ti je turpi i Shkodrës. A e njeh ti Azem Hajdarin? Ti i shërben Edi Ramës”, iu drejtua ai, deputetes.
Debati
Fatjon Mani: “A e njeh Azem Hajdarin? Ai ka luftuar për demokracinë, ti je duke kthyer komunizmin. Ti je shtojcë e Edi Ramës, je një turp”, i është drejtuar ai.
Hajdari: Ti je djalë i ri dhe nuk duhet të merresh me politikë. Ne jemi këtu për të festuar, a je nga Evropa apo nga je? Do bëhesh çun evropian apo jo?
Fatjon Mani: A njef Azem Hajdarin ?
Rudina Hajdari: Unë e njoh Azem Hajdarin e më vjen mirë që e njeh Azem Hajdarin
Fatjon Mani: Unë e njof Azem Hajdarin po se njeh ti. ai ka luftu për demokracinë këtu, ti po lufton me sjell komunizimin. Shtojca e Edi Ramës je ti, ti je turpi i shqiptarëve. Je turpi i shqiptarëve”.
Rudina Hajdari: Të dashur nxënës dhe mësues, ajo që ndodhi tani është pikërisht cfarë bën politika sot. Ne na ndan mes PS dhe PD, ne nuk duhet ta lejojmë të na përçajnë. Ne jemi shqiptarë në radhë të parë.
Pas këtij incidenti deputetja Rudina Hajdari mbylli fjalimin e saj në aktivitetin me nxënësin e shkollës “Shejnaze Juka”.
