Një ngjarje e rëndë ka ndodhur orët e para të mëngjesit të sotëm në fshatin Sllatinë të Dibrës, ku si pasojë e një sherri është plagosur me sende të forta dhe më pas ka humbur jetën në spital një person.
Uniformat blu bëjnë me dije se katër djem, konkretisht dy vëllezër kanë qenë duke konsumuar alkool në lokalin e fshatit me dy vëllezër të tjerë, banorë të së njëjtës zonë.
Takimi i tyre ka zgjatur deri në orët e para të mëngjesit, ku nën ndikimin e alkoolit që kishin konsumuar, ka nisur debati dhe konflikti mes tyre, që ka rezultuar fatal për 29 vjeçarin Dukagjin Plaku.
Gjithcka nisi nga vëllai i viktimës, Q.P, 24 vjec i cili ka qëlluar me thikë njërin nga vëllezërit, bashkëmoshatarin me inicialet M.H.
Më pas, ky i fundit, i ndihmuar edhe nga vëllai i tij J.H, kanë marrë hak duke i qëlluar me sende të forta vëllanë Q.P, i cili nisi përplasjen fizike me armë të ftohta.
Grupi hetimor vijon hetimet për zbardhjen e plotë të shkaqeve të ngjarjes.
Materialet proceduriale do ti referohen Prokurorisë Dibër për herime të mëtejshme.
NJOFTIMI ZYRTAR I POLICISE PER NGJARJEN
Rreth orës 03.00, datë 17.09.2019, fshatin Sllatinë, gjatë një konflikti për motive të dobëta, (konflikt i çastit, pasi kishin konsumuar alkool), në ambjentet e një lokali në fshat, shtetasi Q.P, 24 vjeç, dyshohet se ka plagosur me thikë shtetasin M. H, 24 vjeç, dhe ky i fundit, në bashkëpunim me vëllain e tij, ka plagosur me sende të forta shtetasin Dukagjin Plaku, 29 vjeç, ku si pasojë e plagëve të marra ka humbur jetën në spital.
Si rezultat i reagimit në kohë të policisë, dhe veprimeve hetimore të kryera, janë kapur dhe arrestuar autorët e dyshuar të ngjarjes, shtetasit :
Q.P, banues në fshatin Sllatinë (vëllai i shtetasit Dukagjin Plaku).
J.H. dhe M. H.(vëllezër), banues në fshatin Sllatinë.
Grupi hetimor vijon hetimet për zbardhjen e plotë të shkaqeve të ngjarjes.
Materialet proceduriale do ti referohen Prokurorisë Dibër për herime të mëtejshme.
