Sekretari për çështjet zgjedhore ne Partinë Demokratike, Ivi Kaso ka bërë pohimin e bujshëm se së shpejti do të publikohen dhe dy raste të tjera të kandidatëve socialist me të shkuar kriminale.
Kaso nuk dha shumë detaje se për cilët bëhet fjalë, por theksoi se do të jenë prova konkrete, por të forta.
Gjatë një interviste, Kaso ka folur dhe në lidhje me reformën zgjedhore duke thënë se zgjedhjet nuk janë vetëm çështje standardesh por dhe vullneti i partive politike.
“Janë dhe dy raste të tjerë që do dalin ditë pas dite. Kemi të dhëna dhe do t’i publikojmë shumë shpejt”. Qëndrimi ynë për fat të keq për standardet e demokracisë na dha të drejtë ku raporti i ODIHR thotë që baza ligjore do mund të përbënte një bazë ligjore të mjaftueshme nëse kjo kornizë ligjore do zbatohej me përpikëri, çka do të thotë se zgjedhjet nuk janë çështje standardesh janë vullnet politik i cili e ka detyruar Ramën që të kandidatojë individë me të shkuar kriminale”.
Më herët Fast News Albania ka paralajmëruar se njëri prej të denoncuarve do të jetë kryebashkiaku i Vaut të Dejës, Mark Babani. Me këtë pohim të Kasos tashmë mbetet për tu parë se cili është kryebashkiaku tjetër, për të cilin PD ka dosje.
