Ditën e sotme policia e Fierit ka arrestuar dy vëllëzër, pasi kanë rrahur hallën e tyre për motive pronësie.
Mësohet se në pranga kanë rënë shtetasit M.M, 30 vjeç dhe A.M, 24 vjeç, banues në Fier, vëllezër me njëri-tjetrin. Ata ranë në pranga, pasi për motive pronësie ushtruan dhunë ndaj hallës së tyre, M.B, 45 vjeçe e cila ishte e pajisur me urdhër mbrojtje.
Gjatë kontrollit në banesën e tyre policia gjeti dhe sekuestroi në cilësinë e provës materiale disa fishekë.
Policia njofton se materialet i kaluan Prokurorisë pranë Gjykatës së Shkallës së Parë Fier për veprat penale “Dhunë në familje”, “Mbajtja pa leje e municionit luftarak” dhe “Veprime në kundërshtim me vendimin e Gjykatës”.
