Mbrëmjen e kaluar vendi u përmbyt nga rrebeshet e shumta e stuhitë që i frikësuan të gjithë dhe i bënë njerëzit të kalojnë një natë të vështirë.

Madje, rrufeja ka rrezikuar edhe jetën e këngëtares Rezarta Shkurta dhe familjarëve të saj.

Në një postim në Instastory, këngëtarja ka treguar se në shtëpinë e saj kishte rënë flaka për shkak të rrufesë, mirëpo zjarrfikësja dhe policia kishin arritur t’i ndihmonin në kohë.

“Nata e mbrëmshme për ne u mbyll kështu. Dua të falenderoj nga zemra policinë e Shtetit dhe zjarrfikësen që në kohë rekord erdhën e vepruan, duke na shpëtuar nga kjo situatë me dëme të pakonsiderushme.”- shkruan Rezarta krahas fotos së dy shuajtëseve të zjarrit.