Rënie gurësh e rrëshqitje dheu, ARRSH paralajmëron shoferët: Ja rrugët ku duhet bërë kujdes

Si pasojë e reshjeve të dendura që ranë mesnatën e kaluar, janë shkaktuar problem të shumta nëpër akset e vendit duke vështirësuar kështu qarkullimin e makinave.

Autoriteti Rrugor Shqiptar (ARRSH) u bën apel të gjithë shoferëve të kenë kujdes gjatë qarkullimit, dhe publikon një pasqyrë të gjendjes së rrugëve në vend.

Si pasojë e reshjeve intensive ka pasur rrëshqitje dherash e gurësh deri pranë tunelit të Shkopetit.

NJOFTIMI ZYRTAR NGA ARRSH

Gjatë orëve të fundit, si pasojë e reshjeve të dendura të shiut  të githa strukturat e ARRSH-së janë në terren për të normalizuar gjendjen në të gjitha akset kombëtare të prekura nga to
Rajoni Verior, komunikon se në segmentin Skuraj-Burrel (zona Shkopet) ka rënie të vogla gurësh, po punohet për pastrimin e rrugës, nuk ka probleme me qarkullimin rrugor.
Rajoni Qendror, komunikon se po punohet në segmentin sa kalon rreth rrotullimin e Bërzhitës, dhe në të gjitha akset e këtij rajoni qarkullimi kryhet pa problem.
Rajoni Jugor komunikon se itensiteti i reshjeve ka rënë, qarkullimi kryhet pa problem në të gjitha akset.
Situata është në monitorim të vazhdueshëm nga kompanitë dhe sektori i mirëmbajtjes ARRSH.
I bëjmë apel të gjithë drejtuesve të mjeteve të bëjnë kujdes, të ulin shpejtësinë të respektojnë sinjalistikën dhe udhëzimet e policisë rrugore .