“Reforma Zgjedhore kusht për Shqipërinë” Borchardt thirrje palëve: Duhet dialog, pres propozime konkrete nga partitë

Në tryezën e përbashkët për Reformën Zgjedhore të thirrur nga OSBE, ambasadori Bernard Borchard është shprehur se vendi ka nevoje për unitet dhe dialog.

Ndër të tjera ambasadori i OSBE në Tiranë shtoi se parlamenti gjerman i vuri shumë përgjegjesi parlamentit shqiptar, duke mbështetur hapjen e negociatave por me disa kushte.

“Vendi ka nevojë për unitet dhe dialog. Dje parlamenti gjerman i vuri shumë përgjegjësi parlamentit shqiptar. Mbështet hapjen e negociatave por ka disa kushte për plotësim rekomandimesh. Një nga këto është reforma zgjedhore.

Do diskutojmë sesi një sistem i ri i mundshëm të jetë transparent. Pres nga partitë të japin propozime konkrete që t’i kthehemi dialogut. Ky proces do të ndikojë edhe në Reformën Zgjedhore. Tryeza të nxisë bashkëpunimin për zgjidhjen e krizës.Është e rëndësishme t’i rikthehemi dialogut, pasi kjo do të ndikojë patjetër te Reforma zgjedhore. Shpresoj që kjo konferencë të ndikojë në procesin e mëtejshëm.

Është një zgjedhje që duhet ta bëjnë partitë shqiptare. Duhet të jeni të hapur për të diskutuar për këtë çështje. Pjesëmarrja duhet të jetë gjithëpërfshirëse. Duhet të merret vendimi, a duhet ta ndryshojë Shqipëria sistemin zgjedhor. Ne nuk mund të bëjmë imponime, kemi dhënë rekomandimet tona”, u shpreh Borchardt gjatë fjalës së tij.