Reagon Babani: Bardhin do e çoj në Gjykatë

Pasi sekretari i përgjithshëm I PD-së, Gazmend Bardhi publikoi dokumente që faktojnë dënimin e kryebashkiakut të Vaut të Dejës, në Itali, vjen reagimi i Mark Babanit.

Në një dalje publike për mediat tha se akuzat e PD janë të sajuara dhe se s’kanë lidhje me të. Ai u shpreh se deklaratat e PD janë gënjeshtra dhe kanë si qëllim cënimin e imazhit të tij. Gazmend Bardhiu ka bërë shpifje dhe ka aktivizuar avokatët, një histori e shpikur e që nuk ka lidhje me mua, pohon Babani.

Më tej ai shton se gjurmët e gishtërinjve nuk i përkasin atij dhe është i gatshëm të shkoj në Prokurori për të dhënë shenjat e gishtave. “Normalisht ata do sajojnë që të më prishin imazhin, më 4 prill 1994 kam qënë në hotel dhe kam qenë në punë. Unë në jetën time nuk kam qenë kurrë i arrestuar dhe as i ndaluar nga policia.Kam aktivizuar avokatët e mi,që të bëjnë padi për shpifje ndaj Gazmend Bardhiut” tha Babani
Sipas kryetarit të bashkisë, PD e ka sajuar të gjithë këtë, për të pastruar imazhin e njollosur që i ka lën në 25 vjet drejtim kësaj bashkie.